Në Austri zhvillohet sot raundi i dytë i zgjedhjeve presidenciale. Ky raund pason atë të katër javëve më parë, kur Norbert Hofer, kandidati i Partisë së Lirisë, mori papritmas 35 për qind të votave.
Hofer përfaqëson të djathtën ekstreme të vendit, ndërsa përballet me të pavarurin Alexander Van der Bellen, që ka mbështetjen e të gjelbërve. Partitë kryesore austriake të qendrës mungojnë me kandidatët e tyre për herë të parë që nga Lufta e Dytë Botërore.
Anketimet e fundit tregojnë se gara mes dy kandidatëve do të jetë e ngushtë, por nëse fiton Norbert Hofer, ai mund të bëhet i pari president i ekstremit të djathtë mes vendeve të BE-së.
Kriza e refugjatëve dhe mënyra e trajtimit të saj nga qeverisësit austriakë ka qenë tema më e diskutuar e fushatës presidenciale. Partia e Lirisë, për të cilën kandidon Hofer, ka bërë një fushatë të tërë kundër emigracionit.
Van Der Bellen do të siguronte 21 për qind të votave në raundin e parë. Ai deklaron se kundërshtari i tij ka pikëpamje autoritare për fuqitë e presidentit të vendit.
Presidenti ka në Austri përgjithësisht një rol ceremonial, por mund ta shpërbëjë qeverinë.
Kutitë e votimit janë hapur këtë mëngjes, e do të mbyllen në orën 17:00, kur edhe do të nisin të përvijohen rezultatet e para. /tesheshi.com/
