Nr. 2 i Rendit, zëvëndësministrja Elona Gjebrea, nuk e sheh me shumë shqetësim protestën e të shtunës nga opozita. Duke folur në Ora News, znj. Gjebrea tha paçka disa informacioneve të poseduara për ushtrim dhune, nga ana e policisë nuk ekziston gjendja e alarmit.
“Ne jemi të sigurtë dhe të qetë për protestën që do organizohet nesër nga PD dhe policia është në gatishmëri të plotë, të mirëtrajnuar për të përballuar këtë protestë. Ne jemi të sigurtë që ata do tregojnë profesionalizmin dhe do tregojnë pse besimi i qytetarëve është tek policia. Sigurisht ka informacione që na bëjnë të jemi më të kudjshëm por jam e bindur që strukturat e policisë që edhe sot që flasim po trajnohen nga misionet amerikane dhe euorpiane për të reaguar në raste të tilla”, tha zëvëndësja e Xhafajt.
Gjithsesi ajo ka lëshuar një apel për frenimin e dhunës dhe të protestuarit paqësisht.
“Dëshiroj të jape edhe disa mesazhe për atë retorikën e dhunshme që përdor PD e cila mund të ketë edhe pasoja. Është e rëndësishme që protesta të jetë paqësore në jemi për të respektuar liritë në demokraci, por jemi që të shmanget dhuna”, tha zëvëndësministrja Gjebrea. /tesheshi.com/
