Edhe pse i zemëruar politikisht me reformën në drejtësi, apo më saktë me mazhorancën e cila nuk e bëri palë në debatin për të, por e la në hije, kreu i shtetit shqiptar e ka vlerësuar këtë reformë gjatë fjalës së tij në Asamblesë së Përgjithshme të OKB-së në kuadër të 30-Vjetorit të Deklaratës për të Drejtën për Zhvillim.
“Shqipëria vazhdon të ndërmarrë në vazhdimësi reforma institucionale, ligjore, ekonomike për përmbushjen e të drejtës së qytetarëve shqiptarë për një jetë me sa më shumë dinjitet, me kushte, liri dhe mundësi të barabarta për këdo, duke synuar zhvillimin e vendit, ku më jetikja e miratuar së fundmi ka qenë ajo në fushën e drejtësisë”, tha Nishani. 
Ndërkohë, më herët ai realizoi dhe foton e fortdëshiruar me çiftin Obama, që është dhe pika e dobët e çdo politikani shqiptar në majat e pushtetit. Madje fotoja e këtij lloji kur dikush pozon me të parin e Amerikës, mbetet pikë kulmore në karrierë duke zënë dhe vendin kryesor në skrivaninë e punës. /tesheshi.com/
