iPhone 7 është projekti më i fundit i Apple që pritet të vijë së shpejti në treg. Nga informacionet e shumta mësohet se iPhone 7 do të ofrojë shumë inovacione.
Disa prej risive që thuhet se do të vijnë bashkë me iPhone 7 përfshijnë mundësinë e mbushjes së telefonit pa tela, dizajnin më të hollë, si dhe eliminimin e portit për dëgjueset, për të mundësuar hollësi më të madhe të gjeneratës më të re të iPhone.
Fast Company ka thënë se burimet e saj që janë të afërta me planet e kompanisë amerikane kanë sugjeruar se iPhone 7 nuk do të ketë port për audio dhe dëgjuese, për të arritur hollësi më të madhe sesa iPhone 6s.
Në mes tjerash është thënë se iPhone 7 do të jetë edhe rezistent ndaj ujit, ndërsa teknologjia e re e zërit do të mundësojë eliminimin e zhurmës nga jashtë.
Ndërkohë pritet që Apple iPhone 7 dhe 7 Plus do të lançohen në shtator të 2016./tesheshi.com/
