Tutankhamun na shikon mbrapa nëpër mijëvjeçarë ndërsa shkencëtarët rindërtojnë fytyrën e tij, duke zbuluar një faraon që duket më shumë si një “student i ri” sesa një mbret.
Tiparet e tij u gjallëruan nga një ekip ndërkombëtar akademikësh nga Brazili, Australia dhe Italia, duke përdorur një model dixhital të kafkës së tij të mumifikuar.
Rindërtimi zbulon fytyrën rinore dhe “delikate” të një mbreti që ishte ende adoleshent kur vdiq 3300 vjet më parë.
Eksperti brazilian i grafikës Cicero Moraes, i cili shkroi studimin e ri, tha: “Më duket si një djalë i ri që ka një fytyrë të hollë. Duke e parë më shumë shohim një student të ri sesa një politikan, gjë që e bën figurën historike edhe më interesante”.
Mbreti i famshëm u zbulua së bashku me dhjetëra thesare nga arkeologu britanik Howard Carter në nëntor 1922 në Luginën e Mbretërve të Egjiptit.
Për shkak se ekipi i shkencëtarëve nuk kishte akses të drejtpërdrejtë në kafkën e faraonit, kompletimi i modelit të ri ishte veçanërisht i vështirë.
Për fat të mirë, studimet e mëparshme kishin regjistruar tashmë matjet e kafkës dhe publikuan disa imazhe.
“Ishte pak punë detektive ku pjesë të informacionit u lidhën së bashku për të na dhënë një model 3D të kafkës së tij. Me të dhënat e raportit dhe disa matje të rëndësishme cefalometrike, ishte e mundur të merrej kafka dixhitale e një dhuruesi virtual dhe ta përshtatej për t’u bërë kafka e Tutankhamun-it,” tha Moraes.
Pas kësaj ata rikrijuan “madhësinë e buzëve, pozicionin e kokës së syrit, lartësinë e veshëve dhe madhësinë e hundës”.
“Të gjitha këto projeksione bazohen në studimet statistikore të kryera në skanimet CT të individëve të gjallë me origjinë të ndryshme”, tha ai.
Markerët që tregojnë trashësinë e indeve të buta në pika të ndryshme u vendosën më pas në kafkë, duke përdorur të dhëna nga egjiptianët modernë si udhëzues.
Me këto dhe teknika të tjera, fytyra u rindërtua gradualisht në një paraqitje objektive.
Më pas u shtuan elemente subjektive si ngjyra e syve.
Nuk është hera e parë që shkencëtarët tentojnë të rindërtojnë figurën e faraonit të ri – pasi një përpjekje e ngjashme u bë në vitin 2005.
Michael Habicht, një egjiptolog dhe arkeolog në Universitetin Flinders të Australisë, i cili ishte bashkëautor i studimit të ri, vuri në dukje ngjashmërinë e habitshme midis dy përfaqësimeve.
Moraes është i bindur se ata krijuan një shëmbëlltyrë të kënaqshme të faraonit.
“Duke krahasuar studimet që kemi zhvilluar me të dhënat nga njerëzit e gjallë, duke krahasuar projeksionet me matjet aktuale, ne jemi të sigurt se ka një përputhshmëri të mirë me personin real në strukturën e tyre të përgjithshme. Unë erdha si një shkencëtar që studionte Egjiptin e lashtë dhe tani u largova si një admirues i vërtetë i kësaj kulture magjepsëse, i vendosur për të studiuar më shumë dhe për të zbuluar pjesë të tjera të historisë së saj fantastike”.
Tutankhamoni, i cili u adhurua si perëndi gjatë jetës së tij, vdiq në 1323 para Krishtit dhe u pasua nga këshilltari i tij, Ay.
“Përfaqësimi ynë është çuditërisht i ngjashëm me atë që një ekip francez bëri disa vite më parë. Gjithashtu korrespondon me përshkrimet e lashta të Tutankhamun-it, veçanërisht me kokën në lulen e zambakut nga varri i tij”, tha Moraes.
Por ndërsa kjo është një qasje kulturore, në qasjen fetare, gjersa dhurohej si zot, ai është i urryer pikërisht për këtë gjë.
Në Kuran, Faraoni që ballafaqohet me Musain duke pretenduar të jetë Zot, konsiderohet si krijesa më e ulët me një përfundim shembullor si ndëshkim nga Zoti. Por aty ai nuk përmendet me emër; thjesht quhet faraon. /tesheshi.com/
