Qeveria e Zoran Zaevit ka shpallur nisjen e regjistrimit elektronik të popullsisë çka ka shpërthyer polemikën me opozitën, e cila e akuzon se gjithçka po bëhet përpara zgjedhjeve për të vënë dorë mbi listën elektorale.
Proccedura e regjistrimit do të jetë online ku secili mund të vendosë të dhënat e tij, në bazë të numrit bazik të letërnjoftimit.
Çështja e listave të zgjedhësve është “nyja gordiane” e zgjedhjeve në Maqedoni, ku është akuzuar Gruevski dhe BDI-ja për zgjedhjet e kaluara.
Kjo doli si nga bombat e përgjimeve, por edhe nga një hetim i Prokurorisë Speciale, që arrestoi kryetarin e komunës së Pustecit, zonës ku banon pakica maqedonase në Shqipëri. Edmond Temelko.
Mile Boshnjakovski, zëdhënësi i qeverisë së Shkupit, deklaroi për mediat se “Për realizimin e projektit e obliguar është Ministria e Shoqërisë Informatike dhe Administratës dhe Ministria e Punëve të Brendshme të cilët prej më 5 tetor duhet ta harmonizojnë planin veprues për zbatimin e tij, ndërsa vendimi përfundimtar duhet të përpunohet deri në korrik të vitit 2018”.
Bosnjakovski deklaroi se regjistrimi elektronik i shtetasve nuk e zëvendëson formën aktuale të regjistrimit .
Shqiptarët deri tani kanë bojkotuar të gjitha regjistrimet zyrtare të kryera në Maqedoni prej vitit 1992, pasi ai është zhvilluar në baza diskriminuese, duke ndjekur kritere të cilat çonin në zvogëlimin artificial të numrit të shqiptarëve etnikë.
Shifra zyrtare prej 25% konsiderohet si e trukuar dhe pa një bazë reale pasi vetë popullsia shqiptare ka bojkotuar proceset e censusit.
Shqiptarët e Maqedonisë kanë mbrojtur argumentet se numri i tyre mund të arrijë mbi 38% të popullsisë së përgjithshme. /tesheshi.com/
