Nëse do të shikosh se si po lëviz gjeopolitika e Ballkanit, mjafton të hedhësh sytë te takimet e ditës së sotme.
Pikërisht pasi Shtetet e Bashkuara të Amerikës kanë detyruar presidentin maqaedonas Gjeorgje Ivanov që t’i japë mandatin Zoran Zaevit për të formuar qeverinë, Vladimir Putin ka thirrur në Moskë njeriun më të kritikuar nga SHBA dhe BE si për të treguar se është ai “babai” politik i Gruevskit dhe i kukullës së tij.
Ndërkaq në të njëtën ditë, kryeministri i sapomandatuar i Maqedonisë është thirrur në Bruksel nga Frederica Mogherini, nr. 2 i Bashkimit Europian.
Portali i Kremlinit, “Sputnik” është treguar mjaft i kujdeshshëm në mbulimin e takimit Putin-Ivanov.
Si për të “larë duart” si, “Sputnik” citon agjencinë maqedonase të lajmeve Mia.
Media shtetërore e Shkupit, në lajmin e saj nga Moska thekson se: “’Kriza politike që e patëm gjatë 2,5 viteve solli deri te ngecja në funksionimin e komisionit të përbashkët ndërqeveritar me Rusinë, i cili, shpresoj që tani me formimin e qeverisë së re do të mund të funksionojë dhe t’i vazhdojë trendet pozitive në bashkëpunimin ekonomik’, deklaroi Ivanov pas takimit me Putin”.
Putini, siç bën të ditur MIA “u interesua për situatën në Maqedoni dhe në Ballkan, pasi tërë rajoni po kalon në një periudhë turbulente dhe deshi që personalisht të informohet për disa gjendje në rajon.
Në pyetje të gazetarëve, Ivanov tha se Kisha ruse është çdoherë këtu që në mënyrë miqësore të deklarohet për marrëdhëniet mes popujve ortodoksë dhe çështjet kishtare t’i zgjidhin në pajtim me ligjet kishtare”. /tesheshi.com/
