Në seancën e sotme në Kuvendin maqedonas ku në rend dite ishin pyetjet e deputetëve, kryeministri i Zoran Zaev foli edhe për procesin e kompromisit me Greqinë për çështjen e emrit të shtetit.
Ai tha se me zgjidhjen e çështjes së emrit, gjasat që të merret datë për fillimin e bisedimeve për anëtarësim në BE dhe NATO janë shumë të mëdha. Ai madje për herë të parë caktoi një datë të mundshme me të cilën mund të përfundon gjithçka rreth emrit.
“Jam i bindur se jemi rrugës për të gjetur zgjidhje. Gjasat janë shumë të mëdha të marrim datë me zgjidhjen e kontestit që zgjatë 25 vite. Deri 20 qershor do të tentojmë të gjejmë zgjidhje”, ka thënë Zaev.
Ai nuk u përgjigj nëse pranimi i erga omnes për “Republika e Maqedonisë së Ilindenit”, do të vlejë edhe për propozimet tjera.
Në fund, Zaev pranoi se për shkak refuzimit të opozitës greke, me Greqinë nuk bisedohet më për propozimin “Republika e Maqedonisë së Ilindenit”.
“Fillimisht qeveria greke, por pastaj edhe opozita në Maqedoni nuk e pranoi emrin ‘Republika e Maqedonisë së Ilindenit’ për të cilin parimisht u morrëm vesh me Tciprasin. Dhe tani jemi më afër zgjidhjes së kësaj çështje, prandaj duhet të jemi të kujdesshëm të mos e dëmtojmë procesin”, përfundoi Zaev. /tesheshi.com/
