Shkalla e popullaritetit të presidentit francez, Emmanuel Macron, në muajin gusht është regjistruar në 40 për qind, që është një rënie me 14 % krahasuar me korrikun.
Sondazhi bazohet në hulumtimim më të fundit të kryer nga Instituti Ifop, transmeton AA.
Sondazhi, të cilin Ifop, e realizoi për “Journal du Dimanche”, tregon se presidenti i Francës ka humbur 22 për qind të popullaritetit krahasuar me 3 muaj më parë, kur gëzonte 62 % mbështetjen e francezëve.
Rënie të popullaritetit ka shënuar edhe kryeministri i Francës, Edouard Philippe. Krahasuar me muajin e kaluar, ai ka mbështetje 9 % më pak.
Në të njëjtën kohë në vitin 2012, paraardhësi i Macron, socialisti Francois Hollande, gëzonte një normë shumë më të lartë të popullaritetit (54 për qind), ndërsa në vitin 2007 Nicolas Sarkozy kishte 67 %.
Në këtë muaj, 36 % e të anketuar u deklaruan “pjesërisht të kënaqur” me Macron, kurse 4 për qind ishin “shumë të kënaqur”. Ndërkohë të pakënaqurit janë në shifrën e 57 %.
Anketa u realizua përmes internetit dhe me telefon më 25 dhe 26 gusht me 1,023 të anketuar. /tesheshi.com/
