Përtej sfidës kryesore të ditës në Champions League, asaj që Barcelona luan kundër Juventusit, mes lojtarëve të këtyre skuadrave egziston edhe një respekt reciprok.
Në konferencën për shtyp të skuadrës katalanase, mesfushori Rakitiç, ka dhënë një deklaratë prej “zotërie”, për kapitenin juventin, Gigi Buffon.
Ishte shumë e dhimbshme të shihje një legjendë si Buffon në lot. Të ishte e mundur, do t’i kisha lënë vendin tim të shkonte në Rusi, sepse ai e meriton shumë të luante edhe në një Botëror” – është shprehur Rakitiç.
Nuk ka vonuar edhe reagimi gjithë kripë i portierit italian.
“Nuk besoj se do të isha shumë i dobishëm për Kroacinë po të luaja si mesfushor i saj. E vlerësoj shumë Rakitiç për atë që ka thënë, tregon cfarë njeriu është. E falenderoj dhe e njoftoj se e ka të prenotuar bluzën time në fund të ndeshjes” – ka kthyer kortezinë Buffon, në adresën e tij në rrjetet sociale. /tesheshi.com/
