Presidenti i Serbisë, Aleksandër Vuçiç ka zbardhur detaje nga biseda e tij e pak ditëve më parë me zyrtarin e lartë amerikan, Hoyt Brian Yee, teksa ka folur për televizioni serb “Pink”, siç informon VOA.
Mësohet se mesazhit e Yee kanë qenë të troçta, sidomos në lidhje me Kosovën.
“Ai (Hoyt Brian Yee) më tha se nuk mund të prekni tërësinë tokësore të Kosovës, ndërsa unë i thashë, ju keni mundur të prekni tërësinë e Serbisë nëntë vjet më parë. Atëherë vlenin rregulla të tjera. Këtë ia thashë në fytyrë. Ai më bëri të ditur se më përcolli mesazhin e Amerikës. Duhet ta respektosh, nëse nuk e bën… dihen pasojat...”, ka rrëfyer Vuçiç, i cili e cilësoi takimin mes tyre duke thënë se “nuk ishte i këndshëm, por nuk pati fjalë të rënda”.
Nga ana tjetër, Vuçiç është shprehur mbi domosdoshmërinë e një marrëveshjeje historike me shqiptarët. Kjo ndodh ndërsa në Serbi ka startuar dialogu i brendshëm mbi braktisjen e Kosovës, i cili do vjen mendimet dhe idetë e elitës intelektuale, asaj pjese të painfektuar nga nacionalizmat dhe folklorizmat historikë. /tesheshi.com/
