Duket se presidenti i zgjedhur serb, Aleksandër Vuçiç do ndjekë një politike të llojit “titist” në marrëdhëniet ndërkombëtare. Edhe pse i konsideruar njuë lider pro-perëndimor, gjë që e ka ndihmuar që të ngjisë shkallët e pushtetit me ndihmën e Brukselit, Vuçiç është shprehur i ftohtë ndaj hyrjes në NATO.
Së fundi, gjatë një leksioni me studentë të Fakultetit të Studimeve të Sigurisë në Universitetin e Beogradit, ai tha se nëse Serbia do t’i bashkohej NATO-s, kjo do ta ndante kombin për dekada dhe do të kishte pasoja afatgjata, pasi shumica dërrmuese e serbëve e kundërshtojnë këtë; e njëherësh, hyrjen e vendit në Aleancën Atlantike e konsideroi si mundësi për zgjidhjen e disa problemeve të Serbisë.
Këtë qëndrim dualist, ai mbajti dhe kur tha se Serbia duhet të mbajë neutralitetin ushtarak; duhet ta ketë qëllim BE-në, por pa i cenuar raportet e mira me Rusinë dhe Kinën. Ai citoi Putinin që ka thënë se “Serbia dhe Rusia nuk kanë pasur marrëdhënie më të mira”, duke shtuar se dhe SHBA dhe BE kanë vlerësuan gjithashtu nivelin e lartë të bashkëpunimit midis Serbisë dhe vendeve perëndimore.
Kjo pra të kujton stilin “Tito” në marrëdhëniet ndërkombëtare, ku ish-udhëheqësi komunist jugosllav vendosi të marrë e të jap sa me Lindjen po aq dhe me Perëndimin. /tesheshi.com/
