Presidenti i Serbisë, Aleksandar Vuçiç, ka thënë se bisedën me kryeministrin e Kosovës Albin Kurti e konsideron krejtësisht të kotë. “Një njeri që nuk dëshiron të flasë”, sipas tij.
“Nuk më shkon mendja të flas derisa të lirohen serbët e arrestuar në Kosovë…”, shtoi ai.
Vuçiç deklaroi në konferencën për media se 24 orë përpara do t’i informojë mediat dhe ndërmjetësuesit nga Bashkimi Evropian nëse teknikisht do të marrë pjesë në raundin e dialogut Kosovë-Serbi, duke shtuar se “në thelb nuk ka të bëjë asgjë me këtë”.
Sipas tij, “kryetarët e rremë” të katër komunave në veri të Kosovës duhet të japin dorëheqje dhe njësitë speciale të Kosovës të tërhiqen nga ato komuna.
“Vendimet do t’i marrim vetë, nuk do të konsultohemi me askënd, do të respektojmë vetëm atë që i kemi thënë NATO-s, komandantit Ristuca dhe Stoltenbergut”, ka shtuar Vuçiç.
“Situata është e komplikuar, më e vështira në 24 vitet e fundit dhe populli është nën goditjet e ashpra të vrasësve, gënjeshtarëve dhe mashtruesve”, tha Vuçiç.
Në fakt e kundërta është e vërtetë: më e pakta, vrasës është vetë Vuçiç, si një ish-zëdhënës i Millosheviçit në kohën e masakrave në Kosovë.
Mbi Kurtin apo Kosovën nuk rëndojnë vrasje serbësh. /tesheshi.com/
