Kreu i qeverisë serbe, Aleksandar Vuçiç, pasi deklaroi se është krenar që është i pari kryeministër nga vendi i tij që viziton Shqipërinë, u shpreh se “Serbia e konsideron si pjesë të vetën Kosovën dhe Metohinë” dhe se nuk do të pajtohet me pavarësinë e Kosovës. Më tej, Vuçiç nënvizoi se është me rëndësi që Shqipëria dhe Serbia “të punojnë bashkë për projekte infrastrukturore”.
“Shkëmbimet tregtare janë në interes të dy vendeve tona. Me Ramën biseduam edhe për zhvillimin e turizmit”, u shpreh Vuçiç.
Kryeministri i Serbisë, Aleksandër Vuçic deklaroi se dy vendet tona kanë mospajtime, por kjo nuk duhet t’i prekë marrëdhëniet strategjike.
“Për 100 vjet marrëdhëniet tona do të jenë kurrizi i Europës dhe të mos mendojmë se me luftëra nuk do t’i rregullojmë punët. Me marrëdhënie të sinqerta duhet të shkojmë të përpara.
Dua t’i zgjas dorën miqësore popullit shqiptar. Mendojmë ndryshe edhe deklaratat i kemi ndryshe por kjo nuk na ndalon të ndryshojmë marrëdhëniet strategjike”, ka thënë ai.
