Shtetet e Bashkuara po kërkojnë njohjen e ndërsjelltë të Beogradit dhe Prishtinës, por që ky nuk është një lajm kryesor – tha presidenti serb Aleksandar Vuçiç.
Pas bisedimeve me Sekretarin amerikan të Shtetit Mike Pompeo dhe takimet e mëpasme me Zëvendës Ndihmësin e Pompeos, MattheQ Palmer dhe Nënkryetarin e Këshillit Atlantik, Damon Wilson, Vuçiç i tha RTS-së se është mirë për Serbinë që SHBA të mbështesë rrugën e saj evropiane, por ata “po kërkojnë njohje të ndërsjelltë të Serbisë dhe Kosovës”.
“Në thelb nuk është një lajm i madh. Ky nuk është një qëndrim krejt i ri për SHBA. Ata e njohën pavarësinë e Kosovës në 2008”, tha Vuçiç.
Ai tha se në takimet e tij me zyrtarët amerikanë, ai përshkroi pikëpamjet e Serbisë dhe përsëriti se “mundësia që serbët të mos marrin asgjë dhe shqiptarët të marrin gjithçka”, nuk është në pyetje.
“Unë jam shumë mirënjohës ndaj Pompeos, Palmerit dhe Wilsonit. Ishte e rëndësishme për mua të jem në gjendje të shpreh pikëpamjet e Serbisë. Por nuk jam naiv të besoj se SHBA. do të heqë dorë nga pavarësia e Kosovës”, tha Vuçiç. /tesheshi.com/
