Lëvizja Socialiste për Integrim ka “bërë kosh” në votën e proporcionalit, duke u kualifikuar si forcë e dytë politike dhe duke lënë në vendin e tretë Partinë Demokratike.
Sipas të dhënave zyrtare nga Komisioni Qendror i Zgjedhjeve(ora 02.39), LSI-ja e Ilir Metës renditet në vendin e dytë me vetëm 3 mijë vota më pak se PS-ja dhe me 5 mijë vota më shumë se PD-ja.
Në fakt, bëhet fjalë vetëm për fillimin e procesit të numërimit të votave për këshilltarë. Sipas këtyre të dhënave, që i referohen 327 kuti votimi nga 5301 gjithsej, PS ka marrë 20380 vota, ose 23.54%, LSI 17,368 ose 20.06% dhe PD 12,715 oe 14,68%. Këto rezultate i përkasin vetëm 12 bashkive ku janë dërguar materialet për kutitë e lartpërmendura.
/tesheshi.com/
