Paraditen e sotme mediat dhe portalet online transmetuan një situatë të pakëndshme që ndodhi në qytetin e Shkodrës. Bëhet fjalë për një përplasje mes tregtarëve të duhanit dhe doganierëve, të cilët u kishin sekuestruar mallin.
Ndër të tjera në video vihet re shefi i krimit ekonomik në policinë e Shkodrës, Pjerin Lazri, i cili nxjerr armën dhe frikëson shitësit e duhanit, duke tentuar që t’i sprapsë ata, por nuk e arrin këtë pasi qytetarët revoltohen dhe e qëllojnë me çfarë ju del përpara.
Ndaj kësaj ngjarjeje ka reaguar kryetarja e bashkisë së Shkodrës, Voltana Ademi, e cila ka bërë përgjegjës e ka akuzuar kryeministrin Edi Rama për këtë që ka ndodhur sot në bashkinë e saj. Sipas Ademit, Rama po prodhon terrorizëm politik në Shkodër.
“Ky është terror shtetëror Z. Kryeministër! Ju dhe qeveria juaj po prodhoni terrorizem politik në Shkodër!”, – ka qenë reagimi i shkurtër i Ademit, e cila bashkangjitur me fjalën e saj shton edhe videon e ngjarjes së paradites së sotshme./tesheshi.com/
