Ka reaguar menjëherë VMRO pasi BDI nuk e tha fjalën e fundit për koalicion para orës 24.00, duke bërë që aletati disavjeçar në qeveri të ndihet i pamundur të qeverisë në bazë të Kushtetutës. Kjo parti kërkon që vendi të shkojë në zgjedhje të reja
“VMRO-DPMNE së bashku me koalicionin “Për Maqedoni më të mirë” si fituese të zgjedhjeve të fundit duke marrë më shumë vota dhe deputetë vlerëson se formimi i qeverisë duhet të shërbejë për të mbyllur krizën politike në vend dhe jo për thellimin e saj dhe vlerëson se mbajtja e zgjedhje të reja është zgjidhje e pjekur në shërbim të tejkalimit të krizës në vend. Çdo zgjidhje tjetër vetëm do të sjellë probleme dhe konflikte të reja në shoqërinë tonë e cila gjithsesi është e ndarë”, thuhet në deklaratën e mesnatës.
Për VMRO-në, është e papranueshme që vendi të qeveriset nga LSDM, e cila doli e dyta në renditje për mandatet e fituara.
“Është e qartë se dikush dëshiron të neglizhohet vullneti i shumicës së qytetarëve të Maqedonisë dhe të fus Maqedoninë në një faze të pasigurtë nga zhvillimi i saj. VMRO-DPMNE ngelet në pozitat e saj principiele në lidhje me interesat strategjike dhe dekretin e shpallur më 17 dhjetor 2016-të”, përfundon reagimi i VMRO-DPMNE-së.
Mbetet të shihet sot se ç’vendim do të marrë presidenti Ivanov, nëse do ia kalojë mandatin e formimit të qeverisë Zaevit apo do shpallë zgjedhjet e parakohshme, por të cilat këto të fundit këkojnë dakortësi politike mes palëve. M.Krasniqi – /tesheshi.com/
