Realizimi i platformës së Tiranës nuk i sjell dobi askujt, thuhet në kumtesën e sotme të VMRO-DPMNE-së, ku theksohet se shkelja e ligjeve, rregullores dhe Kushtetutës është shkelje mbi rendin kushtetues dhe shtetin.
“Kufizimi i të drejtës demokratike për diskutim është kufizim brutal dhe shkelje e qytetarëve të cilët i
kanë votuar. Dhuna politike të cilën e zbatoi LSDM-ja mund të rezultojë vetëm në dhunë fizike,” kërcënojnë nga VMRO.
Ata po ashtu thonë se, “tentimi i paligjshëm për zgjedhjen e Talat Xhaferit për kryeparlamentar ishte provokim i drejtpërdrejtë për popullin maqedonas, dhe në dëm të shtetit”.
Dhe derisa të gjithë akuzojnë rolin pasiv të organeve të sigurisë, nga VMRO thonë se, falë intervenimit policor, nuk erdhi deri tek eskalimi më i madh i situatës dhe tek pasojat më serioze. /tesheshi.com/
