Auto Dak
Auto Dak
Auto Dak

Vjen shteti europian i rradhës që “ngre traun” për Shqipërinë

Ambasada e Shqipërisë në Hagë ka bërë me dije se duke filluar nga dita e nesërme Holanda do të heqë të gjitha kufizimet për udhëtarët nga Shqipëria.

Në njoftim theksohet se shtetasit shqiptarë që dëshirojnë të shkojnë në Holandë nuk kanë më nevojë për pajisje me test PCR apo të qëndrojnë në karantinë pas mbërritjes, por vetëm me pasaportën e tyre biometrike.

“Ambasada e RSH në Hagë njofton se regjimi i lëvizjeve për shtetasit shqiptarë drejt Holandës do të ndryshojë, duke filluar që prej ditës së nesërme, 24 qershor 2021. Bazuar në vlerësimin e qeverisë holandeze mbi nivelin e ulët të infektimeve të Shqipërisë, Holanda vendos të lejojë përsëri lëvizjen e lirë të të gjitha kategorive të shtetasve shqiptarë drejt territorit të saj që prej datës 24 qershor e në vijim.

Që prej ditës së nesërme, do të lejohet lëvizja e lirë për të gjithë shtetasit shqiptarë, jo vetëm për rezidentët shqiptarë në BE, apo për arsye specifike. Shtetasit shqiptarë mund të udhëtojnë lirisht drejt Holandës edhe për qëllime turistike; Të gjithë shtetasit shqiptarë që udhëtojnë drejt Holandës nuk kanë detyrimin të paraqesin testin PCR apo antigjen në destinacion.

Gjithashtu nuk është e detyrueshme karantina për udhëtarët të cilët udhëtojnë nga RSH në Holandë, pasi konsiderohet vend me rrezikshmëri të ulët infektimesh. Udhëzojmë në çdo rast udhëtarët që të kontaktojnë gjithnjë me kompanitë ajrorë që operojnë fluturimet e tyre, pasi këto kompani, në cilësinë e subjekteve private, mund të kërkojnë plotësimin e formularëve të veçantë apo kritere shtesë për pasagjerët në momentin e udhëtimit”, thuhet në njoftimin zyrtar. /sarandacity.al/

auto pjese dak

Related posts