Arkivat shqiptare kujtuan 21 gushtin e një tërmeti në kampion socialist, ku Shqipëria doli nga Traktati i Varshavës, krijuar si një aleancë për t’i bërë kundrapeshë NATO-s.
Shkak i këtij hapi të Tiranës komuniste ishte një agresion rus ndaj Çekosllovakisë.
Ja ç’shkruan për këtë zhvillim Arkiva Shqiptare:
“Më 21 gusht 1968, Shqipëria vendosi të mos ishte më palë në traktatin e mbrojtjes reciproke të formuar nga boshti i lindjes nën emrin Traktati i Varshavës.
Ky pakt u nënshkrua më 14 maj 1955 prej Bashkimit Sovjetik, Bullgarisë, Çekosllovakisë, Gjermanisë Lindore, Hungarisë, Polonisë, Rumanisë dhe Shqipërisë, nën një frymë të ndarjes së poleve si produkt i pas Luftës së Dytë
Botërore. Këto vende u gjendën para një demokratizimi të brendshëm me ardhjen në drejtimin e Partisë Komuniste të Çekosllovakisë të Alexander Dubçek, i cili me teorinë e tij të krijimit të një ‘socializmi me fytyrë njeriu’, do t’i sillte shumë probleme Moskës zyrtare. Kështu, Bashkimi Sovjetik e pa të udhës të ndërmerrte një agresion drejt territoreve të Çekosllovakisë, duke shkaktuar dhunë tek civilët e duke përhapur një klimë paniku tek të gjithë nënshkruesit e këtij pakti.
Në këto rrethana, por edhe nën presionet e shumta që kishin filluar të prishnin klimën e ngrohtë në raport me Bashkimi Sovjetik, Shqipëria u tërhoq nga Traktati. Më poshtë, gjendet deklarata zyrtare e këtij vendimi, ku pala shqiptare denoncon agresionin rus”.
Ndërkohë duhet theksuar se në vetmin shpjegim nga Berisha se pse u bë komunist në vitin 1968, ishte ai i ngacmimit nga pushtimi sovjetik i Çekosllovakisë(!). /tesheshi.com/
