Kreu i partisë më të madhe të opozitës, Lëvizjes Vetëvendosje, Visar Ymeri, ka deklaruar në seancën e zgjedhjes së Presidentit se Hashim Thaçi i dha Kosovës, Zajednicën.
“Praktikisht atë e kemi dhuratë nga Thaçi. Ai e nisi dhe e përfundoi edhe demarkacionin, duke i falë toka mbi 8 mijë hektarësh Malit të Zi”, tha Visar Ymeri.
“Ka një marrëveshje me Listën Serbe, shtoi ai duke u shprehur kundër zgjedhjes president të kandidatit të nominuar nga PDK-ja, Hashim Thaçit. Hashim Thaçi nuk mund të bëhet president i Kosovës pa e marr bekimin nga Vuçiqi”, shtoi ai.
Sipas tij, praktikisht ai nuk mund të bëhet president pa Vuçiqin. President i Kosovës ai nuk do të bëhet, pasi po bëhet përmes shkeljeve e shantazheve dhe po merr bekimin e Serbisë. Ai i ka sjellë aq shumë dëme vendit, sa që nuk mund t’i numërojmë as për shumë seanca në Kuvend.
/tesheshi.com/
