Edi Rama, gjatë fjalës sot në Parlament për Kukësin, ka prekur sërish një pjesë të elitës së medias që cilësohen si analistë.
Rama tha se ata që shkruajnë “kundër oligarkëve, kullave dhe tullave, janë ata që nga oligarkët janë paguar dhe kanë marrë para, të mira, makina, shtëpi në bregdet” etj.
Në median shqiptare ekziston prej kohësh një sistem jokonvencional vlerësimi, i cili nuk ka parametra linearë për punën apo vlerën që jep.
Megjithatë, media si pushtetet e tjera në Shqipëri nuk funksionon për së mbarë, në drejtim të gjetjes së vërtetës, porn ë funksion të propogandës shpesh për të fshehur apo manipuluar të vërtetën.
Kjo ka krijuar edhe ata “agjitropë” që me të vërtetën luajnë në favor të pagesës së dhënë nga lojtarë politikë apo mediatikë.
Janë krijuar ata gazetarë që në lojën e opinionit publik kanë zënë vend si “opinionistë” që i drejtohen qytetarëve apo edhe pushtetarëve në veten e parë.
Këta gazetarë janë më të paguarit në treg. Edhe pse nuk janë në terren për të investiguar mbi zhvillimet, ata i komentojnë ata në darkë, duke arritur që të gjejnë kohën për shkrime, intervista, apo edhe në reklamimin si VIP-a në botën e gossip-it.
Po kush janë gazetarët që tha Edi Rama që përveç banesave kanë edhe vila në bregdet.
Disa prej tyre janë:
Blendi Fevziu
Armand Shkullaku
Andi Bushati
Artur Zheji
Alfred Peza
Ilir Babaramo
Sokol Balla
Ylli Rakipi
Arjan Çani
Me një fjalë të gjithë që kanë emisione në prime-time në televizionet shqiptare. Si i kanë siguruar vilat apo shtëpitë në bregdet këta gazetarë-analistë?
Ne jemi vend i lirë dhe nuk është as turp as shkelje ligji të pasurohesh.
Thjesht, njerëzit pyesin se si mund të ndodhë kjo në një vend të varfër dhe në një treg mediatik të vogël, ku asnjë gazetë apo TV nuk del me fitim?
Një gazetë në SHBA shitet të paktën 10 milionë kopje, qoftë 1 dollarë i thonë 10 milionë usd.
Por tek ne ky treg është i limituar. Ne nuk kemi asnjë media kombëtare që t’i drejtohet të gjithë shqiptarëve në troje me një politikë editoriale. Madje kush ka guxuar e kanë penguar.
Atëherë si ka mundësi që të ketë dhjetëra televizione dhe gati një mijë portale? Kush i financon? Shumica e tyre nuk prodhon lajme, por kopjon dhe shet infuencë.
Por ndër ta, jo të gjithë janë të kompromentuar. Pra që bëjnë gjobaxhiun. Disa e kanë kompromentimin të shtrirë në kohë nga vetë vijueshmëria e karrierës, e disa nga episode të veçanta. Por dallon njëri prej tyre që e kanë më origjinal, pasi i vjen nga stili i jetës që e ka paksa “nate”. E ka të ndërtuar karrierën si opinionist me listë çmimesh ku zakonisht synon 5 mijë euroshin në muaj. Edhe për këtë arsye, e gjen zakonisht të rreshtuar krah LSI-së. /tesheshi.com/
