Vijojnë protestat e amerikanëve, kundër Donald Trump, i zgjedhur pak ditë më parë si presidenti i ri i Shteteve të Bashkuara. Tubime janë shënuar në ditën e dytë në Los Angelos dhe në New York. Më të ashpra ishin kundërshtimet e banorëve të Portland të Oregonit. U desh të përdoreshin plumba prej gome nga ana e policisë, për të shpërndarë turmën e acaruar, ndërsa 29 prej tyre përfunduan prapa hekurave. Ndërkohë, në Washington pati manifestime në momentin kur Trump shkeli për herë të parë në Shtëpinë e Bardhe, gjatë një takimi me Barack Obamën, kurse në San Francisco kryefjalë e protestave ishin studentët. Me pankarta në duar, ata janë solidarizuar me emigrantët meksikanë, që kalojnë kufirin iegalisht, të cilët gjatë fushatës janë sulmuar nga manjati njurokez.
Një tjetër formë e të protestuarit kundër Trump është edhe interesimi i mijëra amerikanëve për të fituar nënshtetësinë kanadeze. Ky fakt u bë publik pasi faqja e internetit të qeverisë kanadeze për nënshtetësinë dhe emigracionin u bllokua gjatë orëve të fundit, prej rritjes së ndjeshme aplikimeve. Mësohet se rreth 200 mijë amerikanë kishin klikuar për tu informuar më gjerësisht, për kriteret e përfitimit./tesheshi.com
