Një shëtitje e qetë me barkë në liqen me të atin, u shndërrua në një moment të bukur feste për 5 vjeçaren Avery, nga Wisconsin në SHBA. E vogla, duke luajtur me kallamin e saj të peshkimit të kukullës Barbie, arriti të kapë një peshk rreth 50 cm të gjatë.
Gjithë përpjekjet e saj për të sjellë peshkun në barkë janë filmuar nga i ati, i cili inkurajonte të bijën edhe pse ajo shpesh i kërkon ndihmë duke menduar se nuk do t’ia dilte dot. Në fund, pasi arriti ta ngjiste në barkë, të qeshurat dhe gëzimi rrethoi vogëlushen, pas trofeut të saj.
Videoja, e realizuar me një smartfon dhe e publikuar nga babai krenar Ram Mehta, një peshkatar i apasionuar, ka ndarë publikun në YouTube, mes atyre që komplimentojnë Avery-n dhe ata që kritikojnë të atin, i cili ka shtyrë vajzën në një moshë kaq të vogël, drejt një hobi të tillë./tesheshi.com/
