Reperi Dashawn Robertson, më i njohur për publikun me emrin artistik Lil Loaded, ka vdekur në moshën 21 vjeç.
Sipas Billboard, Robertson bëri vetëvrasje.
Ai u bë i famshëm në vitin 2019 me hitin 6loç 6a6y, i cili u dëgjua dhe u pa më shumë se 29 milion herë në YouTube. Ai postoi një mesazh lamtumire në profilin e tij në Instagram, i cili u fshi menjëherë pas kësaj.
“I dashur i Plotfuqishëm, më fal për çdo herë që nuk kam vlerësuar të gjitha bekimet e dhëna në jetë. Unë kërkoj hyrjen në mbretërinë tënde, e di që ti i do të gjithë fëmijët e tu. Zemra dhe shpirti im janë gati…”, ishte mesazhi i tij, ku kuptohet që i shkruan Zotit.
Robertson u akuzua në mars të këtij viti për vrasjen e 18-vjeçarit Khalil Walker, mikut të tij, të cilin ai dyshohet se e qëlloi me një pushkë para shtëpisë së tij në tetor të vitit të kaluar.
“Faleminderit të gjithëve për mbështetjen tuaj. Ata duan që ju të shpalleni fajtorë edhe pse jeni të pafajshëm, por ne do të mbijetojmë. Pusho në paqe, vëlla, të dua”, postoi Robertson në profilin e tij në Instagram në atë kohë. /tesheshi.com/
