Deputeti i Vetëvendosjes, Ismajl Kurteshi ka deklaruar se në tekstet serbe të historisë, Kosova është Serbi. Dhe është fjala për ato shkolla edhe në territorin kosovar me nxënës të komunitetit serb.
Sipas Kurteshit, “komisioni për Arsim ka konstatuar se një numër i madh i teksteve të serbëve janë në kundërshtim dhe paraqesin shkelje të Kushtetutës së Kosovës, pasi që tekstet e historisë mësojnë se Kosova është krahinë e Serbisë.”
Dhe ai më pas i është drejtuar për sqarim ministrit Arsim Bajrami. Ky i fundit ka sqaruar se në bazë të ligjit, shkollat serbe kanë të drejtë të përdorin tekstet e Serbisë, por me verifikim nga Ministria. Kreu i Arsimit kosovar ka pranuar se ka shkelje, por ka thënë se “po punohet në bashkëpunim me faktorin ndërkombëtar për integrimin e plotë të këtyre shkollave dh se analiza e përgjithshme në shkollat serbe po bëhen që të përfshihen këto shkolla brenda sistemit arsimor të Kosovës”.
Që do të thotë pra se edhe për shumë kohë, Kosova si shtet i pavarur, tek mendjet e serbëve, do vazhdojë të jetë e tyre, referuar librave shkollorë. /tesheshi.com/
