Shpesh dëgjojmë të thuhet se lumturia nuk mund të blihet me para. Kjo është e vërtetë në fakt, por gjithashtu po aq e vërtetë është edhe fakti se paraja është në gjendje të blejë “më pak melankoli”. Një studim i fundit i kryer në Universitetin e British Columbia doli në konkluzionin se, të ardhurat e larta financiare nuk kanë lidhje me rritjen e lumturisë, por me pakësimin e trishtimit.
Mjekët analizuan të dhënat e 12 mijë të anketuarve, të cilët vunë në dukje se atyre personave që i ishin rritur të ardhurat apo kishin të ardhura të larta nuk ndjenin rritje në lumturinë e përditshme, por kishin regjistruar më pak stres ditor.
Hulumtuesit dolën në përfundimin se paratë mund të jenë mjete më efektive në reduktimin e stresit ditor, se sa në marrjen e lumturisë.
Një nga arsyet që jipet në interpretimin e këtij fenomeni është fakti se paratë të ndihmojnë në trajtimin dhe menaxhimin e rrethanave të vështira, si përballimi i amortizimit të shtëpisë, apo përballimi kostove të shkollimi të fëmijëve etj., çka sjell më pas shmangie të brengave dhe streseve ditore.
Burimi: Amerikan Post, përshtati: Enklid Pelari
