Fushata elektorale për vendoret në Maqedoni është në kulmin e saj, ku dhe pak ditë e ndajnë nga procesi i votimit.
BESA, ajo që pritet të jetë sërish surprisë e këtyre zgjedhjeve, ka zhvilluar një tubim në një tjetër vatër shqiptare, Studeniçan.
Kandidati për kryetar komune i kësaj force politike, dr. Rexhep Memedi, tha se besa si virtyt do e karakterizojë dhe udhëheqjen e tij pas fitores.
“Qytetarëve të Komunës së Studeniçanit me sinqeritet më të madh ju premtojmë se detyrimet tona do ti kryej me profesionalizëm dhe transparencë. Pa dallim përkatësisë nacionale dhe politike, dyert e komunës tonë do të jenë të hapura për të gjithë banorët e Karshiakës. Ne do te jemi në shërbimin tuaj gjithmonë. Jemi të vetëdijshëm për hallet dhe problemet që ekzistojnë në komunën tonë por ne së bashku duhet të punojmë sa më shumë dhe të ofrojmë më të mirën për të gjithë’’, tha kandidati Memedi.
