Gjykata në Kolmar të Francës ka shtyrë për herë të tretë vendimin për kreun e AAK-së Ramush Haradinaj. Vendimi përfundimtar do të merret më datë 27 prill.
Haradinaj, pas përfundimit të seancës gjyqësore ka deklaruar se ka pritur që sot të mos merret vendimi final.
I pyetur nga mediat se a pret të lirohet më 27 prill, ai ka thënë: “Po presim edhe këto tre javë. E dreja fiton, e drejta fiton”, ndërsa falënderoi të gjithë ata që kishin dalë ta presin para gjykatës në Francë.
Ndërkaq, gjatë zhvillimit të seancës gjyqësore, Haradinaj ka pohuar se gjyqësia franceze po i beson propagandës serbe.
Kujtojmë se më 4 janari Haradinaj është arrestuar në bazë të një fletarresti serb nën akuzat për krime lufte.
Haradinaj dy herë është shpallur i pafajshëm nga Tribunali Ndërkombëtar i Hagës. /tesheshi.com/
