Të hipësh në mjetet e transportit urban dhe të gjendesh nga kontrolli pa biletën përkatëse të udhëtimit, është në dëm të çdo personi, pasi kjo gjë shoqërohet thuajse ëprherë me një gjobë të majme nga ana e kontrollorëve.
E në fakt, nuk është aspak kështu në Rumani, ku hipja në mjetet e transportit publik pa paguar biletën është bërë normale, të paktën për disa ditë. Nuk bëhet fjalë për një mënyrë të shkeljes së ligjit.
Për më tepër, qëllimi është që të inkurajohen qytetarët të rifillojnë të lexojnë. Iniciativa është ndërmarrë nga Victor Miron, një djalosh 23 vjeçar, i cili në të shkuarën (në ditën ndërkombëtare të librit) ka propozuar që të gjithë ata që lëviznin në autobus me një libër në dorë dhe që e lexonin atë, mund të mos paguanin biletën e transportit urban.
Nga 4 deri në 7 qershor, banorët e Cluj-Napoca nuk e paguanin biletën, nëse kalonin kohën në urban, duke lexuar. Kryebashkiaku Emil Boc ka mbështetur idenë e Victor Miron. Ndër të tjera, të gjithë ata që kanë në Facebook si foto profili një libër, përfitojnë ulje nëse blejnë produkte në disa dyqane të caktuara në qytet.
“Mendoj se është me e lehtë të inkurajosh personat për tu drejtuar tek leximi se sa t’i kritikosh ata që nuk lexojnë”,- komenton Victor./tesheshi.com/
