Ditë pas vdekjes së një nëne shtatzënë e foshnjës së saj në maternitetin “Koço Gliozheni” në Tiranë, vjen ndëshkimi ligjor për dy bluza të bardha për një rast të ngjashëm të viteve më parë.
Fjala është për Doriana Hakën, ish-bashkëshorten e portierit të Partizanit, Alban Hoxha, që ndërroi jetë gjatë lindjes së djalit të parë, por që për fat i vogli shpëtoi.
Prokuroria ka kërkuar dënimin me nga 5 vite burgim për dy mjekët e të njëjtit maternitet, me akuzën e “mjekimit të pakujdesshëm me pasojë vdekjen”.
Ata janë gjinekologu Petrit Rexhepi dhe anestezistja Elona Burba
Sipas ekspertizës mjekoligjore, pakujdesia dhe neglizhenca e dy mjekëve, Rexhepi dhe Burba që operuan të ndierën, sollën vdekjen e saj.
Përveç dënimit me burgim, Prokuroria kërkoi si masë plotësuese ndaj mjekëve edhe heqjen e së drejtës së ushtrimit të profesionit për 5 vjet. /tesheshi.com/
