Historia e Emmett Till, një adoleshent me ngjyrë, i cili u torturua dhe u vra në Amerikën e mesit të shekullit të kaluar, pasi një grua e bardhë e akuzoi atë se e kishte sulmuar në një dyqan në Misisipi, konsiderohet si një nga krimet më tronditëse që ka mbetur i pandëshkuar në historinë SHBA-së. Linçimi brutal i djalit për shkak të pretendimeve të asaj gruaje të re shkaktoi një valë zemërimi dhe “ndezi” më tej lëvizjen për të drejtat civile në Amerikë për t’i dhënë fund diskriminimit racor dhe segregacionit racor.
Gati shtatë dekada pas vdekjes së gabuar të djalit, gruaja në qendër të këtij rasti tronditës, Carolyn Bryant Donham, ka vdekur në moshën 88-vjeçare, ka njoftuar një ekzaminues mjekësor nga Luiziana. Sipas mediave lokale, gruaja vuante nga kanceri dhe së fundmi ishte shtruar në një shtëpi pleqsh.
https://twitter.com/i/status/1651669535877918722
Në vitin 1955, kur Till ishte vetëm 14 vjeç, ai vizitoi Misisipin për të parë disa të afërm. Donham, atëherë 21 vjeç, e akuzoi djalin për komente të turpshme dhe se e kishte prekur atë brenda një dyqani ushqimor. Disa ditë më vonë, djali u rrëmbye me armë nga dy burra. Ka prova që një grua (që besohet të jetë Donham) konfirmoi identitetin e tij. Kapësit e Till-it e rrahën pa mëshirë, e tërhoqën zvarrë në një lumë dhe e qëlluan në kokë. Më pas e lidhën trupin e tij me tela me gjemba në një strukturë metalike dhe e hodhën në ujë. Trupi i gjymtuar i adoleshentit u gjet disa ditë më vonë.
Nëna e adoleshentit, Mamie Till Mobley, vendosi ta linte të hapur arkivolin gjatë funeralit të tij në Çikago për t’i “treguar botës se çfarë i bënë djalit të saj”.
Krimi i tmerrshëm dhe publiciteti që mori për shkak të vendimit të Mobley shkaktuan një valë zemërimi dhe protestash në shumë qytete amerikane.
The woman who made accusations that led to the killing of Emmett Till has died. Reports say Carolyn Bryant Donham long battled cancer. She was 88. pic.twitter.com/iOHsbDOvhD
— Inside Edition (@InsideEdition) April 28, 2023
Sipas një urdhër-arresti të lëshuar në vitin 1955, Donham, bashkëshorti i saj Roy Bryant dhe kunati i saj J. G. Milam u akuzuan për rrëmbimin e Till. Megjithëse lëshimi i urdhrit ishte bërë publik, sherifi i qarkut u tha gazetarëve se ai nuk donte të shqetësonte Donham pasi ajo kishte dy fëmijë për t’u kujdesur. I njëjti sherif më pas pretendoi se nuk mund ta gjente gruan.
Bryant dhe Milam dolën në gjyq për vrasjen e 14-vjeçarit, por u liruan nga një juri krejtësisht e bardhë. Muaj më vonë, në një intervistë për një revistë, ata rrëfyen se e kishin vrarë Till-in. Të dy burrat tani kanë vdekur.
Sipas kujtimeve anekdotike të Donham, të siguruara nga Associated Press, gruaja pretendoi se nuk e dinte se çfarë do të ndodhte kur foli për incidentin me Till. /tesheshi.com/
