Jo vetëm Malaga, por e gjithë Spanja përcolli me lot në sy 2-vjeçarin Julen Rosello, të miturin që ta në një pus 100 metra të thellë përgjatë një shëtitjeje familjare, për t’u gjetur ditë më vonë, pas një operacioni kërkime që çoi deri në ngritjen e një kantieri shpimesh nëntokësore, sigurisht pa jetë.
Megjithatë, shpresa e natyrshme njerëzore bëri që për asnjë moment të mos mendohej kjo e dyta. Ata që gërmuan parreshtur me ditë të tëra për të mbërritur në fundin e posit, e gjithashtu dhe familja e vogëlushit, jetuan me ndjenjën se do ta
“Në orën 1:25 një ekip shpëtimi mbërriti në një pjesë të pusit ku u gjet trupi i pajetë i fëmijës”, tha Alfonso Rodriguez Gomez de Celis, një zëdhënës i qeverisë në rajonin e Andaluzisë.
Tragjedia bëhet më e rëndë kur mësohet se Juleni nuk ishte fëmija i parë që vdiste çiftit Jose dhe Victoria.
Dy vjet më parë, ata humbën djalin e tyre më të madh. Ishte viti 2017 kur Julen ishte vetëm disa muajsh, kur vëllai i tij Oliveri, 3 vjeç, papritmas u sëmur. Atë e çuan në spital, por mjekët nuk panë ndonjë gjë shqetësuese, kështu që me prindërit u kthye në shtëpi. 21 ditë më vonë, më 14 maj 2017, Victoria me dy djemtë dhe motrën e saj Annabel po ecte në plazh. Në një moment, frymëmarrja e Oliverit ndaloi dhe ai ra në tokë i pajetë. E gjitha ndodhi nga një ndalim zemre. Kur ndodhi kjo, ati Jose ishte më pas në një udhëtim biznesi në Sevilje.
Ndërsa në rastin e Julenit, Jose pa gjithçka. Ai i tha medias se vrapoi pas Julenit kur pa që ai mund të binte në vrimë, por ishte tepër vonë. Jose tha se dëgjoi të bërtiturën e fëmijës dhe më pas nuk mundi ta dëgjonte më asgjë.
Më parë këtë javë, prindërit thanë se shpresonin që Oliver tani do të shikonte vëllain e tij të vogël nga qielli. “Oliver, mos harro vëllanë tënd Julen!”, shkruante nëna në rrjetet sociale.
Djali u varros në Malaga dhe qindra njerëz nga e gjithë Spanja erdhën në funeralin e 2-vjeçarit që i mbajti nën ankth e që tashmë u la pas trishtimin e një tragjedie të paprecedent. /tesheshi.com/
