Vaksinimi i pritshëm shqiptar: kështu do të ndodhë në Air Albania
Me bindjen se javën e tretë të janarit nis vaksinimi dhe në Shqipëri, pas një marrëveshjeje me Pfizerin, kryeministri Rama ishte në ambientet e Air Albania-s, ku, nga ministrja e tij e Shëndetësisë u informua mbi infrastrukturën që po bëhet gati.
Manastrilliu i raportoi eprorit të saj politiko-qeveritar se si do ndodhë vaksinimi.
“Po bëhet gati plani i vaksinimit për të gjithë grupet më të rrezikuar duke filluar nga mjekët.
Tashmë janë vendosur bokset e para të vaksinimit me të gjithë elementët përkatës.
Kemi planifikuar që në momentin e parë që vijnë sipas lajmërimeve të gjithë personat që do vaksinohen; si do të hyjnë në vendet e vaksinimit, si do bëhet regjistrimi, si do organizohet qëndrimi i tyre. Janë marrë masat për elementët e sigurisë. Do të kryhen disa procese. Në fillim do të vijnë qytetarët dhe do të ulen në poltronet e paravaksinimit duke plotësuar nga mjeku anamezën.
Më pas do të vihet dhe do të bëhet vaksina, më pas do të qëndrohet 30 minuta për të parë se si reagon trupi, do ulen në qendrat e pas vaksinimit.
Do kemi skuadrat e vaksinimit, mjekët si dhe disa nga urgjenca. Aktualisht janë vendosur dhe po vijojnë të vendosen postacionet për të kryer vaksinën.
Në të gjithë unazën e arenës do të jenë 60 postacione vaksinimi. Planifikojmë që çdo një orë të vaksinohen 60 ose më shumë qytetarë. Do vijojë kështu 8-10 orë në ditë”, tha Manastirliu.
Veç Tiranës, qendra vaksinimi do ngrihen dhe në Shkodër e Vlorë. /tesheshi.com/
