Pas 70 ditësh në gjendje kome dhe në dilemë mes jetës dhe vdekjes, pasi kishte pësuar një aksident në rrugë, ajo është zgjuar dhe ka bërë shumë të lumtur prindërit, të afërmit dhe djalin me të cilin ishte fejuar.
Ngjarja ka ndodhur në Kinë dhe është bërë publike në Tencent News e më pas është publikuar edhe në Daily Mirror. Për më shumë se dy muaj në spital, Chen Ben kishte qëndruar me besnikëri, dashuri e përkushtim në krah të të fejuarës së tij, Fu Jun. Ai ishte aty edhe në momentin e parë që ajo hapi sytë pas aksidentit, e madje kishte lënë edhe punën për tu kujdesur për gjysmën e tij më të mirë.
Por kur ajo u zgjua, reagimi dhe pyetja që bëri i la të gjithë pa fjalë. “Pse je ende këtu? Ti nuk duhet të më presësh mua. Nuk dua që të martohemi bashkë. Unë nuk dua të jem një peshë për ty”,- ka thënë ajo.
Fatmirësisht, i fejuari i ka injoruar dhe harruar shumë shpejt fjalët që Fu Jun i tha sapo u zgjua dhe duke e trajtuar me shumë kujdes e në mënyrë romantike, bashkë janë duke pregatitur ceremoninë e dasmës./tesheshi.com/
