Qeveria shqiptare ka nisur aplikimin e “formës militare” në luftën e shpallur kundër kanabisit, duke futur në lojë ushtrinë. Por kjo është promovuar si ide muaj më parë nga ish-ministri i Drejtësisë, Ylli Manjani, kur ky i fundit ishte pjesë e kabintetit Rama.
Ndaj dhe Manjani ka reaguar fill pas numri dy i qeverisë, Niko Peleshi bëri me dije aktivizimin e ushtrisë në aksionin e sapo nisur në shkallë kombëtare, që sipas qeverisë do e mbyll përgjithnjë epokën e kanabisit në Shqipëri.
“E përshëndes zv/Kryeministrin që pranoi sugjerimin tim për futjen e ushtrisë në luftën anti-kanabis. Zoti Peleshi është i vetmi që dëgjon!”, shkroi Manjani, duke u ndjerë i përkëdhelur nga ideja që qeveria po aplikonte propozimin e tij. /tesheshi.com/
