Të moshuarve ju pëlqen të konsumojnë ushqim të skaduar? Ndoshta është kështu për shkak të luftës që ky brez e ka kaluar në lëkurën e tij. Nëse një person i moshuar nuk guxon të hedhë ushqimin në kosh, është për shkak të pasojave dhe mungesës së theksuar të ushqimit gjatë luftës.
Sipas studiuesve të Universitetit Katolik të Romës, të cilët kanë paraqitur rezultate e tyre në Expo di Milano, me rastin e Ditës së Kërkimeve Shkencore, thuhet se një në tre të moshuar konsumon ushqime të skaduara.
Ky është një alarm i mirëfilltë për shëndetin e personave mbi 65 vjeç, të cilët përveç se rrezikojnë seriozisht, në shumë raste nuk kanë as paratë e nevojshme për tu kuruar.
Siç duket, ata nuk heqin dorë nga zakonet e tyre të këqija në tavolinë. Në bazë të studimit, i cili ka marrë në vëzhgim 200 të moshuar të moshës mesatare 74 vjeç, vetëm 15% e tyre ka treguar interes mbi këshillat e tretjes dhe ushqimit.
Ka qenë Francesco Landi i departamentit të geriatrisë në Universitetin Katolik, ai që ka shpjeguar se sa e rrezikshme është për këta persona ngrënia në mënyrë të gabuar.
“Ushqimi jo i duhur i shoqëruar me mungesën e aktivitetit fizik mund të bëhen shkaktarë të dobësimit trupor gjatë pleqërisë”,- shpjegon mjeku.
Sipas tij, një stomak i mësuar keq tenton drejt obezitetit dhe favorizon gjendjen e depresionit, pra, të qenurit aktiv dhe të kuruarit duke ngrënë mirë nuk është një mundësi por duhet të jetë detyrë e të gjithë atyre që duan të jetojnë më mirë. Për shembull, mund të fusin dhe të mos lënë që në tryezën e tyre të mungojnë ushqimet e pasura me omega 3, si peshku e vaji si dhe të limitojnë alkoolin. /tesheshi.com/
