Janë të shumta pjatat që mund të rezultojnë toksike nëse i fusni në mikrovalë për t’i ringrohur. Në këto raste, ushqimin që ka tepruar mund ta përdorni në sallata të ftohta.
Kur themi sallata, e kemi fjalën pikërisht për pulën që nga njëra anë mund të ruhet në frigorifer por nga ana tjetër, nuk duhet ringrohur në mikrovalë. Prandaj, duke e copëzuar mund ta shpërndani në sallatë të shoqëruar me një salcë.
Kërpudhat janë një tjetër produkt që nuk bëjnë për mikrovalën. Përveç se i largon shijen dhe vlerat ushqyese, mund t’i shfaqen edhe toksina për organizmin.
As patatet nuk bëjnë për mikrovalë për të njëjtat arsye si më sipër.
Për spinaqin, nuk është nevoja t’iu themi gjë pasi nuk reziston vetë, edhe të duam por, nëse ju bie rasti, mos e ngrohni.
Këshillat flasin edhe për panxharin por meqenëse ne këtu e përdorim kryesisht në sallatë, nuk rrezikojmë!
E njëjta gjë vlen edhe për selinon pasi përmban nitrate që mund të tjetërsohen në ringrohje.
Veza, jo e jo! /tesheshi.com/
