Me një foto të rëndomtë për nga cilësia, me një minare majë së cilës është flamuri shqiptar, ngjizje tipike prej naivësh apo të frustruarish, Lulzim Basha, prej ditësh fillikat pa parti, ka formuluar një urim për Kurban Bajram, ku në fjalinë e fundit, si finale, zgjedh t’i lutet Zotit për shqiptarët, duke i trajtuar këta të fundit si fatkeqët e planetit.
“Nga zemra ju uroj të gjithë besimtarëve myslimanë dhe shqiptarëve kudo ku janë, Gëzuar Kurban Bajramin!
Gëzuar Festën e Sakrificës, këtë kremtim të shenjtë të fuqisë së besimit tek Krijuesi. Sjelltë kjo festë sa më shumë mbarësi, hare, shëndet e harmoni, për gjithsecilin prej jush dhe familjet tuaja!
Mesazhi i kësaj feste dëshmon se nuk ka sprovë që nuk kalohet me besim tek Zoti dhe dashuri për Atdheun, familjen dhe njëri-tjetrin.
Zoti qoftë pranë shqiptarëve, u lehtësoftë ditët e vështira e u ndriçoftë të ardhmen!”, shkruan Basha, ku e vetmja frazë e padiskutueshme e tij është “nuk ka sprovë që nuk kalohet me besim tek Zoti”. /tesheshi.com/
