Bordi i Entit Rregullator të Energjisë (ERE) u mblodh për të shqyrtuar kërkesën e OSHEE për uljen e çmimit të energjisë për familjarët.
Drejtori i Tarifave pranë OSHEE, Romir Pajenga tha se çmimet për konsumatorët familjarë që shpenzojnë deri në 700 kwh, çmimi do të jetë 8,5 lekë për kilovat (paTVSH). Për ato familje që konsumojnë më shumë se 700 kilovat, çmimi do të jetë 9,5 lekë për kilovat (pa TVSH).
Ku vendim hyn në fuqi më 1 shkurt 2025 deri në 31 dhjetor 2025.
Në mbledhjen e bordit të ERE, Pajenga argumentoi se kërkesa për uljen e çmimit të energjisë elektrike për konsumatorët vjen mbi bazën e analizave të thelluara sa i takon nevojave për të ardhura si dhe përbërjen e çmimit final, duke përfshirë atë të sigurimit të energjisë nga Korporata Elektroenergjetike Shqiptare, tarifën e shpërndarjes si dhe tarifën e transmetimit.
“Propozojmë që për konsumatorët familjarë që shpenzojnë deri në 700 kwh, çmimi të jetë 8,5 lekë. Ndërsa për ata që shpenzojnë nga 701 këh e më tej, çmimi do të jetë 9,5 lekë për kwh. Të gjitha çmimet e tjera për secilën kategori konsumatorësh të mbeten të pandryshuara”, tha Pajenga.
Anëtarët e bordit të ERE-s, vunë në dukje se fasha 700 kwh prek rreth 80% të konsumatorëve familjarë të lidhur me tensionin 0,4 kV.
Për kryeministrin Rama, kjo ulje e çmimit të energjisë ndodh për herë të parë në postkomunizëm.
Ky është një fakt i cili na mbush patjetër me shumë krenari, po të marrim parasysh se nga çfarë humnere e kemi nisur ngjitjen deri në këtë pikë”, tha i pari i qeverisjes, dike shtuar: “Po të marrim parasysh se ulja e çmimit të energjisë elektrike në kohën e sotme është në kundërtendencë të plotë me rajonin dhe me kontinentin ku jetojmë, ku çmimet e energjisë elektrike jo vetëm janë rritur në përgjithësi, por janë të kërcënuar nga rritje të tjera”.
Gjithsesi, kjo ulje e çmimit të energjisë nuk mund të mos shihet si një akt politik me prirje elektorale, ndodhur pak muaj para zgjedhjeve të përgjithshme. /tesheshi.com/
