Sot, është publikuar “Indeksi i Çmimeve të Inputeve dhe Çmimet në Bujqësi” për TM1 2015 (2010 = 100), nga Agjencia e Statistikave të Kosovës (ASK).
Ky publikim është për tremujorin e parë të vitit 2015 për Inputin 1 ka rënie për (– 6.6%), krahasuar me periudhën e njëjtë të vitit 2014.
Ndërsa, Indeksi i çmimeve për Inputin 2 ka rritje për 1.0 %, krahasuar me periudhën e njëjtë të vitit 2014. Kurse, Indeksi i inputit të përgjithshëm (Input 1 +Input 2) ka rënie për (-3.7%), krahasuar me periudhën e njëjtë të vitit 2014.
Po ashtu publikimi bazohet në çmimet e inputeve bujqësore të grumbulluara në Kosovë.
Kështu që grumbullimi i çmimeve është kryer në barnatoret bujqësore, barnatoret veterinare, në kompani, tregje dhe vende të tjera, ku çmimet e inputeve bujqësore janë në dispozicion. Disa çmime të inputeve bujqësore janë marrë nga çmimet e konsumit (IHÇK) nga ASK.
Produktet, që e përbëjnë bazën për Indeksin e Çmimit të Inputeve janë të ndara në dy grupe kryesore: Mallrat dhe shërbimet, aktualisht të konsumuara në bujqësi (Input 1) dhe Mallrat dhe shërbimet që kontribuojnë në investimet në bujqësi (Input 2). Brenda grupit të Mallrave dhe shërbimeve aktualisht të konsumuara në bujqësi, çmimet grumbullohen sipas grupeve në vijim: farëra dhe material ëmbëltues, energji; vajra, plehra dhe përmirësues të tokës, produkte për mbrojtjen e bimëve dhe pesticide, shpenzime për veterinari, lëndë për ushqimin e kafshëve, mirëmbajtja e materialeve, mirëmbajtja e ndërtesave, si dhe mallra dhe shërbime të tjera.
Sa i përket Mallrave dhe shërbimeve që kontribuojnë në investimet bujqësore, çmimet grumbullohen për materiale (makineri dhe pajisje të tjera), ndërtesat (ndërtesat e fermave, punët e tjera përveç përmirësimit të tokës, ndërtesat e tjera, struktura e tyre) dhe të tjera./tesheshi.com
