Të paktën 15 persona, mes së cilëve një fëmijë kanë vdekur dhe 64 të tjerë janë plagosur gjatë një zjarri të rënë në një pallat të banuar prej 16 katesh në Baku, kryeqytetin e Azerbajxhanit.
Ngjarja ka ndodhur në qendër të lagjes Binagadi, ndërsa lajmi është bërë i ditur nga agjencia Interfax, e cila citon burime të ministrisë së Shëndetësisë. Sipas të dhënave të para, zjarri ka nisur për shkak të cilësisë së dobët të izolimit të jashtëm, nga ku sipas banorëve, kanë nisur flakët
Në vendngjarje kanë mbërritur rreth 30 ambulanca dhe mjete të tjera të fikjes së zjarrit. Ky i sotshmi është rasti i dytë i rënies së zjarrit në Baku, brenda pak muajsh. /tesheshi.com/
