Zyrtarët në qytetin Çerkasi, në pjesën qendrore të Ukrainës, thonë se këshilltari komunal, Mykhaylo Binusov, u vra, disa orë pasi u transmetua një intervistë e tij në televizion, ku kishte folur për korrupsionin brenda shërbimeve komunale të qytetit.
Policia lokale ka njoftuar se Binusov u qëllua me armë zjarri në orët e vona të mbrëmjes së të enjtes.
Policia tha se vrasja ishte kryer nga “atentatorë të panjohur” dhe se po hetohet si “vrasje me paramendim”.
I ndjeri Binusov para një jave ishte emëruar në detyrën e drejtorit të departamentit të qytetit, që mbikëqyr menaxhimin dhe operacionet e shërbimeve publike komunale.
Kryetari i qytetit Çerkasi, Anatoliy Bondarenko, tha se detyrë kryesore e Binusovit ishte të ndalte korrupsionin në shërbimet komunale. /tesheshi.com/
