Ka reaguar gjyqtarja e Gjykatës së Vlorës Herila Çela ndaj akuzave të qeverisë, për lirimin sipas kësaj të fundit të një personi me precedent të rëndë penalë. Bëhet fjalë për Taulant Manajn, që me vendim të gjyqtares Çela kaloi nga arrest me burg në arrest shtëpiak.
\Dy zëvëndësministra, e më pas vetë kryeministri Rama, u bënë bashkë për ta denoncuar rastin, dy të parët me konferenca shtypi, ai i Drejtësisë dhe Rendit, dhe i fundit, shefi i qeverisë, me anë të një statusi në rrjete. Por gjyqtarja Çela është treguar besnike e verdiktit të asaj gjyqësor.
“Jam e përgjegjshme absolutisht me vendimin dhe vendimmarrjen. Jam bazuar në provat që janë paraqitur në seancën gjyqësore nga ana e Prokurorisë”, tha ajo për TCH.
Më tej ajo sfidon qeverinë duke e ftuar t’ja kontrollojë të gjithë vendimarrjen
“Unë jam e hapur të vijnë kontrolle, të vijnë të verifikojnë nga Ministria apo nga Këshilli i Lartë i Drejtësisë. Nga kushdo që e sheh të arsyeshme”, tha gjyqtarja Herila Çela. /tesheshi.com/
