Autoritetet turke kanë zgjatur misionin e anijes së dedikuar “Oruc Reis”, e cila po kryen kërkime sizmike në Mesdheun lindor, për katër ditë të tjera.
Turqia ka lëshuar një shpallje detare Navtex, duke thënë se anija “Oruc Reis” do të vazhdojë kërkimet e hidrokarbureve në ujërat afër Qipros deri në 27 gusht.
Një shpallje e hershme të dielën nxori në pah periudhën e hulumtimit që anija po kryente, dhe një shpallje e re zgjeroi studimin në të cilin marrin pjesë gjithashtu anijet turke “Ataman” dhe “Cengiz Han”.
Hulumtim dydimensional dhe tre-dimensional
“Oruc Reis” është një nga pak anijet e dedikuara në botë që kryen studime gjeologjike dhe sizmike dy-dimensionale dhe tre-dimensionale.
“Oruc Reis” ka aftësinë të kryejë regjistrime tre-dimensionale deri në një thellësi prej tetë kilometrash, dhe dy-dimensionale deri në 15 kilometra. /teshesh.com/
