Top Story ka zbardhur negociatat mes kryeminstrit grek, Alexis Tsipras dhe kreut të Kuvendit të Shqipërisë, Ilir Meta në Athinë, ku këtij të fundit i është ofruar dhënia e disa koncensioneve vetëm me kushtin e shkatërrimit të PDIU-së.
Sipas TCH, Tsipras ka hapur thesin për të ulur çmimin e patentave për emigrantë, si dhe të japë shtetësi nëse do të zhduken nacionalistët.
Ndërkaq, ministri Jashtëm Ditmir Bushati, i cili ishte i ftuar në Top Story, ka akuzuar ashpër Athinën duke thënë se “nuk mund të akuzojë asnjë parti politike shqiptare e cila kërkon vetëm që t’i kërkohet ndjesë për gjenocidin, ndërsa në Greqi ka parti naziste dhe raciste ndaj shqiptarëve.
Ministri i jashtëm mohoi mundësinë që qeveria greke të rrëzojë Ligjin e Luftës vetëm nëpërmjet lobimit të Metës dhe indirekt e ka quajtur si një diversion politik. /tesheshi.com/
