Greqia po shkon drejt zgjedhjeve të parakohshme. Kanali televiziv euronevvs thekson se në mesin e tetorit priten të zhvillohen votimet e reja për parlamentin.
Ndërkaq sot pasdite u zhvillua mbledhja urgjente e kabinetit qeveritar në Athinë nën drejtimin e kryeministrit Tsipras, i cili ka deklaruar se në orën 8 të mbrëmjes, me orën lokale, do të japë një mesazh televiziv për popullin grek.
Tsipras pritet të dorëzojë mandatin duke kërkuar dorëheqjen e qeverisë te presidenti dhe në këtë mënyrë Greqia do të zhvillojë zgjedhje të parakohshme në datën 20 shtator. Një prej liderëve që do të marrë përkohësisht mandat për të krijuar qeverinë do të jetë qoftë edhe për disa orë, kreu i neonazistëve të Agimit të Artë, Nikos Mihaloliakos.
Tsipras në këtë iniciativë të guximshme politike do të marrë aprovimin edhe të kreditorëve, të cilët gjëja e fundit që duan në momentin kur fillon të rrjedhë ndihma prej 86 miliardë eurosh, është një Greqi e destabilizuar politikisht. /tesheshi.com/
