Presidenti amerikan Donald Trump tha se Kina mund të kishte ndaluar virusin koronar para se të përhapet në botë, dhe tha se administrata e tij po kryente “hetime serioze” për të zbuluar saktësisht se çfarë ndodhi.
“Ne po bëjmë hetime serioze … Ne nuk jemi të kënaqur me Kinën. Ne besojmë se ajo mund t’a kishte ndalur në burim. Mund të ishte ndalur shpejt dhe më pas nuk do të përhapej në të gjithë botën,” tha ai për një konferencë për shtyp të organizuar në Shtëpinë e Bardhë.
Duke folur për rastet e infeksionit në Shtetet e Bashkuara, Trump tha se numri i pacientëve Covid-19 po bie ose po stabilizohet në të gjithë vendin.
“Eshtë duke u përmirësuar në të gjitha rastet. Kjo është një situatë me të vërtetë e tmerrshme, por ne jemi duke përparuar.”
Ai shtoi se ka një “uri” për t’u rikthyer në punë.
“Sigurimi i shëndetit të ekonomisë sonë është thelbësor për të siguruar shëndetin e kombit tonë – këto qëllime shkojnë bashkë”, tha ai, duke shtuar se “dikush” mund t’a kishte ndaluar pandeminë, një “vdekje të panevojshme” për shkak të Covid-19, shumë kohë më parë.
“Kishte kaq shumë vdekje të panevojshme në këtë vend. Mund të ishte ndalur, por duket sikur dikush kishte vendosur kohë më parë të mos e bënte atë në atë mënyrë dhe e gjithë bota po vuan për shkak të saj”.
I pyetur nga reporterët nëse presidenti meriton rizgjedhjen nëse humbet më shumë amerikanë në gjashtë javë sesa të vrarë në Luftën e Vietnamit, Trump s’lëvizi nga e tija.
“Po, kemi humbur shumë njerëz, por nëse shikoni parashikimet fillestare, të cilat ishin 2.2 milion, ne me siguri po shkojmë drejt 60,000 deri në 70,000”, tha ai.
“Eshtë shumë, një person është shumë. Por mendoj se kemi marrë shumë vendime të mira,” shtoi ai, duke përmendur mbylljen e kufirit dhe punën “e jashtëzakonshme” që bëri qeveria e tij me respiratorët.
I pyetur nëse po mendonte për shtyrjen e zgjedhjeve presidenciale të nëntorit, Trump u përgjigj se ai “kurrë nuk e llogarit ndryshimin e datës së zgjedhjeve”.
“Pse do ta bëja këtë? 3 nëntor, është një numër i mirë”, theksoi Trump. /tesheshi.com/
