Presidenti i sapozgjedhur i Shteteve të Bashkuara të Amerikës ka ftuar Kryeministrin izraelit, Benjamin Netaniahun të takohen në SHBA sa më shpejtë të jetë e mundur.
Netaniahu telefonoi sot Trumpin për ta uruar për fitoren në këto zgjedhje. Sipas zyrës së kryeministrit, ftesa është bërë gjatë telefonatë së dy liderëve.
Netaniahu ka siguruar Trumpin se Shtetet e Bashkuara të Amerikës nuk kanë një aleat më të mirë se Izraelin, sa i takon çështjeve të rajonit. Dy liderët kanë njohje të mira personale mes tyre dhe biseda është mbyllur në një mënyrë të ngrohtë.
Zyra e Kryeministrit Beniamin Netaniahu ka bërë me dije se ai dhe gruaja e tij Sara janë të gatshëm dhe duan të takojnë sa më parë Trump dhe bashkëshorten e tij, Melanie. Ditën e sotme Netaniahu ka deklaruar se Trump është “një mik i vërtetë i shtetit izrealit”.
“Bashkëpunimi me Trump do të jetë për të ruajtur sigurinë, stabilitetin dhe paqen në rajonin tonë. Marrëdhëniet e dy shteteve tona bazohen në vlera, besime e interesa të njëjta. Besoj se presidenti Trump dhe unë do të vijojmë të forcojmë aleancën mes dy shteteve dhe do të bëjmë gjëra të mëdha sëbashku”, – është shprehur Netaniahu, raporton JerusalemPost./tesheshi.com/
